Գիտնականները վստահ են, որ աղքատությունը կարող է ոչ միայն մարդու նյութական, այլեւ առողջական վիճակի ցուցանիշ լինել: ԱՄՆ Վիսկոնսին-Մեդիսոն համալսարանի մասնագետների անցկացրած նոր հետազոտությունը ցույց է տվել, որ աղքատությունն ազդում է երեխաների հոգեկան վիճակի վրա:
Հետազոտողները 100 երեխայի ուղեղ են սքանավորել, ինչի արդյունքում պարզվել է, որ աղքատ ընտանիքների երեխաների ուղեղում մոխրագույն նյութի ծավալն ավելի փոքր է, քան հարուստ ընտանիքներից նրանց հասակակիցների ուղեղում: Նշենք, որ մոխրագույն նյութը հյուսվածք է, որն ուղեղի հատվածներում վերամշակում է տեղեկատվությունը:
Ըստ Planet- today-ի, գիտնականների կարծիքով, պատճառն այն է, որ աղքատ երեխաների կյանքում շատ քիչ սնունդ եւ անհրաժեշտ իրեր կան, որոնք կարեւոր են ուղեղի զարգացման համար, ինչպես նաեւ բազմաթիվ գործոններ, որոնք ճնշում են զարգացումը:
Հետազոտության հեղինակները խնդում են, որ աղքատությունը պետք է համարել ոչ միայն սոցիալական, այլեւ բժշկական խնդիր:
