Facebook ընկերությունը 2016 թվականին նախատեսում է եռաչափ վիրտուալ իրականության հաղորդակցության տեխնոլոգիա թողարկել, հաղորդում է The Verge-ը:

Այս մասին, Facebook-ի ֆինանսական արդյունքներին նվիրված ասուլիսի ժամանակ հայտարարել է ընկերության ղեկավար Մարկ Ցուկերբերգը:

Նրա պլանների համաձայն, 2016-ի առաջին կեսին վիրտուալ իրականության պլատֆորմ կստեղծվի: Սկզբնական փուլում այնտեղ կտեղակայվեն խաղեր ու տեսանյութեր, հաղորդում է Gazeta-ն:

2014-ի գարնանը Facebook-ը ձեռք է բերել վիրտուալ իրականության սաղավարտի ստեղծող Oculus VR ընկերությունը: Facebook-ը ծրագրում է կատարելագործել տվյալ տեխնոլոգիան եւ օգտատերերին հնարավորություն տալ համացանցում աշխատել վիրտուալ իրականության ձեւաչափով: