Թաիլանդի հարավում գրոհայինների զինված հարձակման հետեւանքով առնվազն 14 մարդ է տուժել, հաղորդում է «Ֆրանս Փրեսը»՝ վկայակոչելով տեղի իշխանություններին:
Գործակալության փոխանցմամբ, չարագործները նռնականետերով ու ինքնաձիգներով զինված հարձակվել են Յալլա նահանգի գյուղերից մեկի ինքնապաշտպանական կամավորական ջոկատի վրա:
«Մոտ 30-40 գրոհայիններ հարձակում են գործել Յահայի շրջանում, տեղի ժամանակով ժամը 01.00-ին: Սկզբում կրակում էին նռնականետերից, հետո գնդացիրներից: Դա տեւել է մոտ 30 րոպե»,-ասել է տեղի շրջանային ոստիկանության հրամանատար Տանոնգսակա Վանգսուպհան, հաղորդում է «ՌԻԱ Նովոստին»:
Հուլիսի կեսերին հաղորդվել էր այս շրջանում պայթյունների շարքի մասին, որը Թաիլանդում անվանում են «ծայր հարավ»: