Լատվիան ԱՄՆ-ից հակահրթիռային պաշտպանության Stinger համակարգեր կգնի: Այս մասին հուլիսի 31-ին հայտարարել է Լատվիայի զինված ուժերի հրամանատր Ռայմոնդս Գրաուբեն, հաղորդում է «Ռիա Նովոստի» գործակալությունը:
«Դեռեւս չեմ կարող ասել ինչպես ընդհանուր գումարը չափը, այնպես էլ գնման ծավալները, քանի որ այս հարցի լուծումը կազդի 2016-ի բյուջեի ընդունման վրա, եւ, եթե ամեն ինչ ընթանա ծրագրվածի համաձայն, բանակցությունները կսկսենք հաջորդ տարի»,- ասել է Գրաուբեն:
Այս ամիս՝ ավելի վաղ, Լատվիայի պաշտպանության նախարարությունը հայտարարել էր համակարգերի ձեռքբերման մտադրության մասին, սակայն դրանց ժամկետների վերաբերյալ հստակություն չկար, հստակ չէր նաեւ, որ գնվելու է Stinger:
Լատվիան 2004-ից Հյուսիսատլանտյան դաշինքի անդամ է: Ներկայում բալթյան տարածաշրջանի օդային տարածքը հսկում են դաշինքի կործանիչները, որոնք տեղակայված են Լիտվայի Զոքնյայ ավիաբազայում: