Ճապոնիայի Հոկայդո կղզու Տոմակոմայ նավահանգստային քաղաքից 50 կմ հեռավորության վրա ուղեւորատար նավ է այրվում: Այս մասին հայտնել են երկրի առափնյա անվտանգության ծառայության տարածաշրջանային բաժնից:
Ստացվող տեղեկատվության համաձայն, նավի վրա 94 մարդ կա, որից 71-ն ուղեւորներ են, մնացածը՝ անձնակազմի անդամներ: Այս պահին տուժածների մասին տեղեկություններ չկան:
Հրդեհի պատճառների մասին դեռ ոչինչ չի հաղորդվում, սակայն նշվում է, որ հրդեհը, հնարավոր է, բռնկվել է տախտակամածում, որը նախատեսված է մեքենաների տեղափոխման համար: Սկզբում անձնակազմը որոշել է իր ուժերով մարել կրակը, սակայն հետո որոշվել է տարհանել ուղեւորներին: