«Թալիբան» շարժման ղեկավարության հանդիպմանը, որտեղ շարժման առաջնորդ էր նշանակվել Ախտար Մուհամմեդ Մանսուրը, լուրջ տարաձայնություններ է առաջացրել խմբավորման ներսում։
Հանդիպման ժամանակ մի շարք թալիբ բարձրաստիճան գործիչներ, որոնց թվում՝ թալիբների նախկին առաջնորդ մոլլա Մուհամմեդ Օմարի որդին եւ եղբայրը, ի նշան բողոքի, հեռացել են։
Խմբավորման ներսում լուրջ տարաձայնություններ կան, որոնք վերաբերում են Աֆղանստանի հետ տարվող խաղաղ բանակցություններին եւ «Իսլամական պետություն» ահաբեկչական խմբավորման նկատմամբ վերաբերմունքին։ Մանսուրը երկար ժամանակ մասնակցում էր Աֆղանստանի կառավարության հետ տարվող բանակցություններին, որոնք պետք է վերջ դնեն երկրում 13 տարի շարունակվող պատերազմին։ Սակայն «Թալիբան»-ի ներսում կան այդ բանակցություններին հակադրվող հզոր ուժեր, որոնք պնդում են, որ շարժումը ղեկավարի Մուհամմեդ Օմարի որդի Յակուբը, հայտնում է ՌԲԿ-ն՝ վկայակոչելով Reuters-ին։
