Չինական խոշորագույն Alibaba Group առցանց-հոլդինգը Չինաստանի գիտությունների ակադեմիայի հետ համատեղ քվանտային համակարգիչ է մշակում: Ըստ «Բեյցզին ցինյան բաո» պարբերականի, մեքենայի հաշվողական հզորությունը տրիլիոն անգամ կգերազանցի ժամանակակից գերհամակարգիչնրի հզորությանը:
Alibaba Group-ն առաջին չինական ընկերությունն է, որն ամերիկյան Google, Microsoft եւ IBM ընկերություններից հետո քվանտային համակարգչի մշակում է նախաձեռնում: Ընկերության տեխնիկական տնօրեն Վան Ցզյանի խոսքով, ներկայում իրենց մասնակցությունը նախագծին պայմանավորված է «բացառապես գիտական հետաքրքրությամբ»:
ՏԱՍՍ-ի փոխանցմամբ, ակադեմիկոս Պան Ցզյանվեյը նշել է, որ մասնավոր կապիտալի աջակցությունը չափազանց կարեւոր է քվանտային համակարգչի ստեղծման գործում: «Չնայած այդ ոլորտում բազմաթիվ հետազոտություններին, չինացի լավագույն մասնագետներին Google-ն ու Microsoft-ը տանում են: Դա դժվարացնում է Չինաստանում այդ տեխնոլոգիայի զարգացման գործընթացը»,- ասել է գիտնականը: Նրա կանխատեսումներով, չինացի գիտնականները քվանտային համակարգիչ կստեղծեն «առաջիկա 10-15 տարիներին»:
Սովորական համակարգչից քվանտայինի հիմնական տարբերությունն այն է, որ տեսականորեն այն կարող է մի ակնթարթում շուրջ 1 մլն հաշվում կատարել, իսկ դասական համակարգիչը՝ ընդամենը մեկ:
