Նիգերիայի բանակը 178 պատանդների է ազատագրել ահաբեկչական «Բոկո Հարամ» խմբավորման գրոհայիններից: Այս մասին հաղորդում է Channel News Asia-ն:
Ազատագրված պատանդների թվում ավելի քան 100-ը երեխաներ են, 67-ը՝ կանայք: Նիգերիայի բանակը ազատագրման գործողությունն իրականացրել է Մայդուգուրի քաղաքից հարավ ընկած հատվածում:
«Բացի այդ, զինծառայողները բռնել են «Բոկո Հարամի» հրամանատարներից մեկին, ներկայումս նրա նկատմամբ հետաքննություն է սկսվել»,-ասել է բանակի ներկայացուցիչը, հաղորդում է Gazeta-ն:
Ավելի վաղ հաղորդվել էր, որ Նիգերիայի հյուսիս-արեւելքում «Բոկո Հարամի» գրոհայինները հարձակվել են Մալարի գյուղի վրա եւ սպանել 13 տեղացիների: