Նեպալում հեղեղների եւ սողանքների հետեւանքով զոհերի թիվը հասել է 90-ի։ Այս մասին ասված է երկրի խորհրդարանի պաշտոնական հայտարարության մեջ։
Իշխանությունների տեղեկություններով՝ տարերքից ավերվել է 117 տուն, 4 կամուրջ եւ մեկ դպրոց, փոխանցում է ՏԱՍՍ-ը։
Նշենք, որ Նեպալում եւ Հնդկաստանում մուսոնային անձրեւների սեզոն է, որոնք սողանքների պատճառ են դառնում։ Հնդկաստանում արդեն զոհվել է 150 մարդ, մոտ 10 մարդ էլ անհետ կորած է համարվում։