Մարոկկոյի քաղաքացին ճամպրուկի մեջ անօրինական ճանապարհով Իսպանիա անցնելու փորձ անելիս խեղդվել է:
27-ամյա մարոկկացուն փորձել է սահմանն անցկացնել ավագ եղբայրը: Նա ճամպրուկը դրել է ավտոմեքենայի բեռնախցիկն ու բարձրացել շոգենավ:
BBC-ի ռուսական ծառայության փոխանցմամբ, նավը Մելիլիայից (իսպանական տարածք Աֆրիկայի հյուսիս-արեւմուտքում) ուղեւորվում էր Իսպանիայի հարավային Ալմերիա քաղաք: Ուղեւորության ընթացքում տղամարդը նկատել է, որ կրտսեր եղբայրը դադարել է շնչել:
Երբ ճամպրուկը բացել են, երիտասարդին ուշքի բերել այլեւս չի հաջողվել: Չկանխամտածված սպանության համար զոհվածի եղբորը մինչեւ 8 տարի ժամկետով ազատազրկում է սպառնում: