Ղրղզստանի եւ Տաջիկստանի բնակիչների միջեւ նախօրեին ծեծկռտուք է տեղի ունեցել, որի հետեւանքով 5 ղրղզներ տարբեր աստիճանի վնասվածքներ են ստացել, հաղորդում է «ՌԻԱ նովոստին»՝ վկայակոչելով Ղրղզստանի պետական սահմանապահ ծառայության մամուլի ծառայության ներկայացուցչին:
Ավելի վաղ հաղորդվել էր, որ Ղրղզստանի Բաթքենի շրջանի Քոք Թաշ գյուղի բնակիչների եւ Տաջիկստանի քաղաքացիների միջեւ ծեծկռտուք է սկսվել: Պատճառն այն է, որ վերջիններս փակել են Մայսկոյե գյուղի միջով գերեզման տանող ճանապարհը, որտեղ տաջիկ ընտանիքներ են ապրում:
Ի նշան բողոքի ղրղզզները փակել են ջրանցքի ջուրը, որը հասնում է տաջիկական Չորկու գյուղ: Կոնֆլիկտի ընթացքում երկու երկրների սահմանամերձ գյուղերի մոտ 200 բնակիչներ սկսել են միմյանց վրա քարեր նետել:
Բախումների ժամանակ վնասվել են նաեւ 7 տներ եւ մեկ մեքենա:
