Օգոստոսի 11-ին Թբիլիսիի Բորիս Պայչաձեի անունը կրող «Դինամո Արենա» մարզադաշտում տեղի կունենա Եւրոպայի Սուպերգավաթի խաղարկությունը Չեմպիոնների լիգայի հաղթող «Բարսելոնայի» եւ Եւրոպայի լիգայի հաղթող «Սեւիլիայի» միջեւ: Նախախաղային մամուլի ասուլիսին թիմերի մարզիչներն ու ֆուտբոլիստները պատասխանեցին լրագրողների հարցերին:
Լուիս Էնրիկե՝ «Բարսելոնայի» գլխավոր մարզիչ.
«Ամեն մրցաշար եւ գավաթ մեզ համար նոր մարտահրավեր է: Ես կցանկանայի որպեսզի բոլոր ֆուտբոլիստները լինեին մեզ հետ եւ լավ մարզավիճակում: Հոգնել եմ պատասխանել Պեդրոյի հեռանալու մասին հարցերից: Ինձ չի հուզում մենք ֆավորիտներն ենք, թե՝ ոչ: Վաղվա խաղում երկու թիմերն էլ կորուտներ ունեն»:
Ունաի Էմերի՝ «Սեւիլիայի» գլխավոր մարզիչ.
«Անցյալ տարի «Սեւիլիան» պարտվեց Սուպերգավաթի խաղում Մադրիդի «Ռեալին», բայց դա այլ խաղ էր: Վաղը մեզ սպասվում է լիովին այլ խաղ: Գիտեմ, որ «Բարսելոնան» ֆավորիտն է: Բայց մենք էլ խաղալու ենք միայն հաղթանակի համար: Եթե անգամ չհաջողվի հաղթել, դա ոչինիչ չի նշանակի: Հաջոչդ օրվանից մենք կսկսենք նոր էջ մեր պատմության մեջ: Նեյմարի բացակայությունը բան չի փոխում: «Բարսելոնան», գիտեք, հզոր թիմ է: Մենք կանենք ամեն բան, ինչ մեզնից կախված է:
Անդրես Ինիեստա.
«Դժվար է մեկ տարում նվաճել բոլոր գավաթները: «Սեւիլիան» ունի լավ թիմ եւ լավ մարզիչ: Մենք լավ տարի անցկացրինք, բայց դա չի նշանակում, որ վաղը մեզ հեշտ խաղ է սպասվում: Այն որ Մեսսին խաղում է «Բարսելոնայում», արդեն հաջողության գրավական է: Հուսանք մենք կարող ենք եկող մրցաշրջանը սկսել այնպես լավ, ինչպես ավարտեցինք նախորդը»:
Դանի Ալվեշ.
«Այն, որ մենք այսօր այստեղ ենքմ մեր մեկ տարվա լավ աշխատանքի արդյուքն է: Մի քանի ամիս առաջ ես մտածում էր որ գուցե լքեմ «Բարսելոնան», բայց այժմ այստեղ եմ եւ հուսամ դեռ մի քանի մրցաշրջան կանցնկացնեմ այստեղ: Ցավում ենք, որ Նեյմարը վաղը չի կարողանա օգնել թիմին: Ինչ վերաբերում է Պեդրոյի հեռանալուն, ես կցանկանայի որ նա մնար թիմում, բայց եթե նա որոշեց գնալ, դա նրա որոշումն էր: Ես խաղալու եմ իմ նախկին թիմի հետ: Ինձ համար սա յուրահատուկ խաղ է, քանի որ խաղալու եմ այն թիմի հետո, որտեղ ձեւավորվել եմ որպես ֆուտբոլիստ»:
Վերա Մարտիրոսյան` Թբիլիսիից
