Գեղարքունիքում վթարի ենթարկված երիտասարդների վիճակը լավ է: «Սուրբ Աստվածամայր» բժշկական կենտրոնի Վերակենդանացման բաժանմունքի ղեկավար Աննա Չոբանյանը NEWS.am-ի թղթակցին հայտնեց, որ իրենց մոտ է տեղափոխվել մի տուժած, ում մոտ հայտնաբերվել է կողի կոտրված, թոքի սալջարդ, վիճակը կայուն է, նրան կտեղափոխեն Վիրաբուժության բաժանմունք:
Իսկ «Սուրբ Գրիգոր Լուսավորիչ» հիվանդանոցից մեզ փոխանցեցին, որ իրենց մոտ տեղափոխվել է 4 հոգի՝ 3 աղջիկ եւ մեկ տղա՝ 17-18 տարեկան, նրանց մոտ եղել են տարբեր վնասվածքներ՝ գլխի, դնչի քերծվածքներ, անրակի կոտրվածք: Նրանց վիճակը նորմալ է, կարող են անգամ տուն գնալ:
Մեր տեղեկություններով՝ վթարի հետեւանքով վիրավորվածներից մեկը Եղվարի քահանայի զավակն է: Երիտասարդները գնում էին Գավառ՝ ճամբար: Երիտասարդները պատմել են, որ ղեկին վարորդի ճնշումը բարձրացել է 200, նրա ինքնազգացողությունը վատացել է եւ այդպես վթարի են ենթարկվել:
Ավելի վաղ հայտնել էինք, որ օգոստոսի 17-ին երեխաներ տեղափոխող ավտոբուս է շրջվել: 19 ուղեւորներից 10-ը տեղափոխվել են Սեւանի բժշկական կենտրոն: Նրանցից մի քանիսին տեղափոխել էին Երեւան: Մեքենան տրամադրել էր ՊՆ-ն:
