Աշխարհի ամենանորարարական ընկերությունների վարկանիշային աղյուսակը Forbes-ի վարկածով գլխավորում է Tesla Motors ավտոկոնցերնը: Ցուցակում երկրորդը Salesforce.com ընկերությունն է: Առաջին տասնյակի մյուս նորարարական ընկերությունները ներկայացված են հետեւյալ հերթագայությամբ. .
3.Alexion Pharmaceuticals
4.Regeneron Pharmaceuticals
5. ARM Holdings
6. Unilever Indonesia
7. Incyte
8. Amazon
9. Under Armour
10. BioMarin Pharmaceutical
11-րդ տեղում հայտնվել է չինական Baidu ընկերությունը:
Ռուսաստանից լավագույնների հարյուրյակ է մտել «Մագնիտ» առեւտրական ցանցը, որը ցուցակում 23-րդ տեղն է զբաղեցրել` առաջ ընկնելով համաշխարհային այնպիսի հսկաներից, ինչպիսիք են Netflix-ը (27-րդ տեղ), Visa-ն (32-րդ), Mastercard-ը (36-րդ), Starbucks-ը (45-րդ), Adobe Systems-ը (74-րդ), Coca-Cola-ն (81-րդ) и H&M-ը (86-րդ):
Որեւէ ընկերության նորարարական լինելը գնահատելիս Forbes-ը հենվում է ներդրողների կարծիքի վրա: Վարկանիշային աղյուսակում են հայտնվում միայն խոշոր ընկերությունները, որոնց կապիտալն առնվազն 10 միլիարդ դոլար է եւ որոնք առնվազն 7 տարի ներկայացված են բորսայում: Վերջին չափանիշի պատճառով ցուցակից բացակայում է Facebook սոցցանցը: