ԱՄՆ Նյու յորք նահանգի Օլբանի քաղաքում ատենակալների դատարանը նախկին զինվորականին մեղավոր է ճանաչել մահմեդականներին սպանելու նպատակով շարժական ռենտգենյան սարքը օգտագործելու փորձի համար:

Գլենդոն Սքոթ Քրոուֆորդը, ով մեխանիկ էր աշխատում General Electric-ում, ըստ առաջադրված մեղադրանքի, 2012 թ մտերմացել էր տեղի երկու հրեական խմբերի հետ ու առաջարկել էր նրանց իր տեխնոգիական մտահղացումը, որի օգնությամբ նրանք կարող էին հաղթել իրենց թշնամիներին: Այդ դեպքից հետո Քրոուֆորդին սկսել են հետեւել, հայտնում է Associated press -ը

Հետո, 2013 թ Քրոուֆորդն իր առաջարկով դիմել է Կու –կլուկս- կլանի «մեծ մագիստրոսին» ՝ Հյուսիսային Կարոլինայում: Մագիստրոսը ՀԴԲ ծպտյալ գործակալներից մեկն էր եւ Քրոուֆորդի մասին հայտնել է իշխանություններին: Դատարանում հրապարակվել է այն տեսաժապավենը, որի վրա երեւում է, թե ինչպես է Քրոուֆորդը բյուրոյի մեկ այլ գործակալի ասում, որ մահմեդականներին ռադիացիայով թունավորելը հոյակապ մտահղացում է:

51-ամյա մեխանիկը ձերբակալվել է երկու տարի առաջ: Daily Mail թերթը նշում է, որ ատենակալները երկու ժամ խորհրդակցելուց հետո մերժել են դատապաշտպանի փաստարկներն այն մասին, իբրեւ դատապարտյալը ՀԴԲ կազմակերպած սադրանքի զոհն է դարձել:

Քրոուֆորդին սպառնում է 25 տարուց մինչեւ ցմահ ազատազրկում: Դատավճիռը կկայացվի դեկտեմբերի 15-ին, հաղորդում է Lenta.ru