Վրաստանի արեւմուտքում՝ Զուգդիդիի շրջանում, օգոստոսի 22-ին միկրոավտոբուս է շրջվել, որում 11 օտարերկրյա զբոսաշրջիկ եւ 2 ուղեկցորդ է եղել: Այս մասին տեղեկացրել է երկրի Արտակարգ իրավիճակների ծառայության ներկայացուցիչը:

Ավտոբուսը բախվել է բետոնե սյանն ու շրջվել: Վթարի հետեւանքով բոլոր ուղեւորներն ու վարորդը վնասվածքներ են ստացել: Տուժածներին տեղափոխել են Զուգդիդիի հիվանդանոց:

Բժիշկների տեղեկացմամբ, տուժածներից 3-ը ծանր վիճակում են, արդեն անհետաձգելի վիրահատություն են կատարում: Նախնական տվյալներով, զբոսաշրջիկները 9 երկրի քաղաքացիներ են: Նրանց ազգությունն ու այլ մանրամասներ առայժմ չեն հաղորդվում: