Մեծ Բրիտանիայում Շորհեմ ավիացուցադրության (Shoreham Airshow) ընթացքում ջախջախված ինքնաթիռի օդաչուն ողջ է, բայց նրա վիճակը գնահատվում է որպես կրիտիկական: Այդ մասին հաղորդում է ՏԱՍՍ-ը՝ վկայակոչելով Արեւմտյան Սասեքս կոմսության ոստիկանությանը: Բրիտանական լրատվամիջոցները նշում են, որ օդաչուն ինքնաթիռից դուրս ցատկելու փորձ չի կատարել եւ աղետի պահին գտնվել է օդաչուի խցիկում: 

Ոստիկանության տվյալների համաձայն, ինքնաթիռի անկման հետեւանքով 7 մարդ զոհվել է, եւս 15-ը վնասվածք է ստացել: