Mozilla Foundation-ը հայտարարել է, որ Firefox բրաուզերի աշխատանքում լուրջ փոփոխություններ են լինելու: Ձգտելով հետ չմնալ ժամանակակից միտումներից, բրաուզերն աշխատանքային այնպիսի սխեմայի է անցնում, որտեղ յուրաքանչյուր առանձին ներդիրի առանձին գործընթաց կհամապատասխանի, հաղորդում է Geektimes-ը:
Այդ սխեմայի ներդրումը նշանակում է, որ բրաուզերը ստիպված կլինի հրաժարվել այն հավելվածներից, որոնք աշխատում են ընթացիկ API-ի (հավելվածների ծրագրավորման ինտերֆեյս) օգնությամբ:
Electrolysis նախագիծը, որը հենց պիտի ապահովի իր պրոցեսորի հետ յուրաքանչյուր ներդիրի աշխատանքը, հայտնվել է դեռեւս 2009 թվին: Բայց այդ ժամանակվանից շատ դանդաղորեն է զարգացել եւ անընդհատ անցել է սառեցման փուլի:
Բացի այդ, հոգ տանելով օգտատերերի անվտանգությանը, Mozilla-ն աստիճանաբար պարտադիր արտոնագրում է ներմուծում բրաուզերներին կից հավելվածների համար: Բրաուզերի 42-րդ վարկածից սկսած, որը կհայտնվի նոյեմբերին, անհնար կլինի հավելվածը տեղադրել առանց թվային ստորագրության: Նման ստորագրություն կստանան սոսկ այն հավելվածները, որոնք կազմակերպության կողմից հավանության կարժանանան եւ կտարածվեն addons.mozilla.org պահարանի միջոցով: