Հայաստանի ՏԿԱԻՆ-ում, այսօր՝ օգոստոսի 24-ին, ժամը 10.30-ին ահազանգ է ստացվել, որ Խաչփառ գյուղում տեղի է ունեցել ավտովթար. ավտոմեքենան դուրս է եկել երթեւեկելի գոտուց եւ ընկել ջրատարը, կան տուժածներ. անհրաժեշտ է փրկարարների օգնություն:
Դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում Խաչփառ գյուղի 16-րդ փողոցի թիվ 2-րդ տան մոտակայքում «ՎԱԶ-2111» մակնիշի 26 TL 988 համարանիշի ավտոմեքենան դուրս է եկել ավտոճանապարհի երթեւեկելի հատվածից, բախվել գազատար խողովակի հենասյանը եւ ընկել ջրատարը:
Մինչ հրշեջ-փրկարարների կանչի վայր հասնելը՝ ուղեւորներ Գ. եւ Դ. Գ.-երը տեղի ուժերով դուրս են բերվել ավտոմեքենայից եւ ինքնուրույն մոտեցել Մասիս քաղաքի ԲԿ, որտեղ ստանալով համապատասխան բուժօգնություն դուրս են գրվել:
Հրշեջ-փրկարարներն ավտոմեքենայի վարորդ՝ 31-ամյա Ե. Գ.-ին դուրս են բերել ավտոմեքենայից եւ մոտեցրել շտապօգնության ավտոմեքենային, վերջինս տեղափոխվել է Մասիս քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան եւ փակել գազի փականը:
