Պոլսո հայոց պատրիարքարանը հայտարարություն է տարածել, որ այս տարի սեպտեմբերի 6-ին տեղի ունենալիք Վանի Սուրբ Խաչ եկեղեցու պատարագն անվտանգության նկատառումներից ելնելով չեղյալ է հայտարարվել։
Ինչպես տեղեկացնում է Պոլսո հայոց պատրիարքարանի կայքէջը, Պոլսո հայոց պատրիարքարանի տարածած հայտարարության մեջ նշվել է, թե վերջին շրջանում տեղի ունեցող ահաբեկչական հարձակումները հաշվի առնելով՝ Վան քաղաքի եւ նրա շրջակայքի համար անվտանգության խնդիրներ չստեղծելու համար դեպի Վան ավանդական ուխտագնացությունը հետաձգվել է։
Վանի Աղթամար կղզու Սուրբ Խաչ եկեղեցին կառուցել է Վասպուրականի իշխան Գագիկ Արծրունին՝ 915-921 թվականներին։ Պարզապես, Թուրքիայի կառավարության միջոցներով Աղթամարի Սուրբ Խաչը վերանորոգվել է եւ բացվել այցելությունների համար որպես թանգարան, իսկ 2010-ից տարին մեկ անգամ թույլատրվել է պատարագ իրականացնել։