Ձախ արմատական ուժերի դաշինքից (ՍԻՐԻԶԱ) անջատված խորհրդարանական խմբին` «Լաիկի էնոտիտա» (Ժողովրդական միասնություն), որը գլխավորում է միջազգային վարկատերերի հետ համաձայնությանը դեմ հանդես եկող Պանայոտիս Լաֆազանիսը Հունաստանի նախագահ Պրոկոպիս Պավլոպուլոսն առաջարկել է կազմել Հունաստանի կառավարությունը Ալեքսիս Ցիպրասի կառավարության հրաժարականից հետո: Այդ մասին հաղորդում է ERT հեռուստաալիքը:
«Ես ինձ առաջարկված մանդատը կօգտագործեմ` ուսումնասիրելու այնպիսի կառավարություն կազմելու հնարավորությունը, որը դեմ կլինի ցանկացած հուշագրի (վարկատերերի հետ համաձայնության – խ. ՏԱՍՍ-ի)», - նախագահի հետ զրույցում ընդգծել է Լաֆազանիսը, հաղորդում է ՏԱՍՍ-ը:
Սահմանադրության դրույթների համաձայն, կառավարության վաղաժամ հրաժարականի դեպքում հանրապետության նախագահը պիտի մի քանի ընդդիմադիր կուսակցության առաջարկի սեփական կառավարությունը կազմել:
Ավելի վաղ հունական ընդդիմադիր «Նոր ժողովրդավարություն» կուսակցության ղեկավար Վանգելիս Մեյմարակիսը չէր կարողացել օգտագործել այդ մանդատը եւ այժմ կառավարություն կազմելու իրավունքն անցել է Լաֆազանիսին:
Օգոստոսի 20-ին Հունաստանի վարչապետ Ալեքսիս Ցիպրասը հայտարարել է, որ հրաժարական է տալիս եւ առաջարկել է խորհրդարանական արտահերթ ընտրություններ անցկացնել: