«Օդնոկլասսնիկի» սոցցանցն առցանց հեռուստատեսություն է թողարկել: Այս մասին ասված է Mail.ru Group-ի հաղորդագրությունում: Սոցցանցի ուղիղ եթերում առաջինը կհեռարձակվի LifeNews-ը:
Հեռարձակումը հասանելի է HD-ով, սոցիալական ցանցի բոլոր հարթակների սեփական տեսաձայնարկիչներում:
«Օդնոկլասսնիկի»-ի ներկայացուցիչները «Ռոսիյսկանա գազետա»-ին պատմել են, որ ներկայում սոցցանցն առցանց հեռարձակման շուրջ բանակցություններ է վարում նաեւ ռուսական Առաջին ալիքի եւ ВГТРК-ի հետ:
Դիտման ընթացքում ցանցի օգտատերերը կարող են հաղորդումները քննարկել մեկնաբանությունների բաժնում, հեռարձակումը կիսել իրենց էջերում եւ գնահատել: Չգրանցված հեռուստադիտողների համար եթերին անանուն հասանելիություն կապահովվի:
