ՀՀ կառավարությանն առընթեր պետգույքի կառավարման վարչության լիազորությունների մեջ չեն մտնում «Հայաստանի էլեկտրական ցանցեր» ընկերության կառավարման հարցերը: Այս մասին, այսօր՝ օգոստոսի 25-ին, լրագրողների հետ հանդիպման ժամանակ նշել է ՀՀ կառավարությանն առընթեր պետգույքի կառավարման վարչության պետ Արման Սահակյանը:
«ՀԷՑ»-ը մասնավորեցվել է ոչ մեր վարչության միջոցով, հետեւաբար հիմա մենք չենք որոշում նրա արտաքին ու ապագա կառավարման հարցերը, մասնավորապես, այն, թե ընկերությունը կառավարելու է մասնավոր, թե պետական ներդրողը»,-ասել է Սահակյանը:
Նշենք, որ Gallup սոցիոլոգիական կազմակերպության միջազգային ցանցի հայկական ներկայացուցչության վերջին հարցումների համաձայն հայաստանիցների 70 տոկոսը համարում է, որ ՀԷՑ-ի խնդիրների լուծման լավագույն տարբերակն այն ազգայնացնելն է: Հարցումն անցկացվել է հուլիսին:
