Մոսկվայի Բասմանյան դատարանը երկարացրել է քաղաքական գործիչ Բորիս Նեմցովի սպանության գործով անցնող Զաուր Դադաեւի բանտարկության ժամկետը։ Ինչպես հայտնում է ՏԱՍՍ-ը՝ բանտարկության ժամկետը երկարացրել են մինչեւ նոյեմբերի վերջ։
Ավելի վաղ «Ռոսբալտը», վկայակոչելով իրավապահ մարմինների աղբյուրին, հայտնել է, որ «Հյուսիս» բատալյոնի նախկին մարտիկ Զաուր Դադաեւը հարցաքննության ժամանակ պատմել է որ «պատվիրատուն» 500 հազար ռուբլու չափով կանխավճար է վճարել Բորիս Նեմցովի սպանության համար։ Դադաեւի դատապաշտպանը թերահավատորեն է գնահատել այս տեղեկությունը։