Հայաստանում կտրուկ նվազել են այն դեպքերը, երբ ծնողները հրաժարվում են երեխաներին դպրոց ուղարկել: Այդ մասին օգոստոսի 26 –ին հայտարարել է Հայաստանի պետական վիճակագրության ծառայության սոցիալական եւ բնապահպանական բաժնի պետ Նելլի Բաղդասարյանը:
Եթե 2014-ին ծնողների հրաժարման պատճառով 5 460 երեխա դպրոց չէր գնում, ապա 2015-ին նրանց թիվն ընդամենը 244 է, ընդ որում 143 ծնող երեխային դպրոց չի ուղարկում սոցիալական ծանր պայմանների պատճառով, իսկ 59 հրաժարում այլ պատճառներ ունի: 25 երեխա տեղափոխվել է քրեակատարողական հիմնարկներ:
