Մարդը, որը ուղիղ եթերի ընթացքում կրակել էր CBS հեռուստաալիքի լրագրողների վրա, գուցե նրանց նախկին գործընկերներից է: Այդ մասին հայտարարել է Վիրջինիա նահանգի նահանգապետ Տերրի ՄակԱլիֆֆը (Terry McAuliffe):
Reuters-ի տեղեկությունների համաձայն, այս պահին ոստիկանությունը ենթադրյալ չարամիտին հետապնդում է Վիրջինիայի Մոնետա քաղաքի շրջակայքում: Քաղաքի դպրոցներն աշխատում են մեկուսացման ռեժիմում` ուսուցիչներին եւ ուսանողներին արգելված է հեռանալ աշխատասենյակներից, հաղորդում է Lenta.ru-ն:
WHSV հեռուստաալիքը Twitter-ում տեղադրել է ենթադրյալ մարդասպանի լուսանկարը:
Հանցագործությունն իրականացվել է օգոստոսի 26-ին, երբ հաղորդավարը իր զրուցակցուհուն հարցեր էր տալիս տեղական բիզնեսի մասին: Զոհվել է 24-ամյա լրագրողուհի Էլիսոն Փարքերը (Alison Parker) եւ 27-ամյա օպերատոր Ադամ Ուորդը (Adam Ward):