ԱՄՆ Լուիզիանայի նահանգի Սանսեթ քաղաքում սպանել են հարեւան Գրանդ Քոթո քաղաքի քաղաքապետի քրոջն ու մի ոստիկանի։ Ինչպես գրում է տեղական մամուլը, 35-ամյա Հարիսոն Լի Վայլին դանակով հարձակվել է 2 կանանց վրա։ Նրանցից մեկը՝ Գրանդ Քոթոյի քաղաքապետի քույրը՝ 40-ամյա Շեյմեքա Ջոնսոնը, մահացել է։ Ոստիկանության տեղեկություններով՝ երկրորդ վիրավորը կասկածյալի կինն է, որին հիվանդանոց են տեղափոխել, հայտնում է «Նորությունների ռուսական ծառայությունը»։
Կանանց վրա հարձակվելուց հետո Հարիսոն Լի Վայլին կրակել է կենցաղային վեճի ահազանգով դեպքի վայր ժամանած իրավապահի վրա եւ փորձել դիմել փախուստի։
Նա մեքենայով մխրճվել է լցակայանի մեքենայի պատի մեջ։ Վայլիին վնասազերծելիս իրավապահները արցունքաբեր գազ են օգտագործել, հայտնում է Lenta.ru-ն։
Ավելի ուշ հայտնի էր դարձել, որ հարձակման ենթարկված կանանցից մեկն ու ոստիկանը մահացել են։