Մադամ Տյուսոյի պատկերասրահում կհայտնվի նոր նմուշ՝ համացանցում հայտնի Grumpy Cat (բարկացած կատվի) տիկնիկը։

Grumpy Cat-ը կդառնա առաջին կատուն, որը կհավերժանա այնտեղ, հայտնում է Lenta.ru-ն՝ վկայակոչելով Business Wire-ը։

Անիմացիոն տիկնիկը կներկայացվի Սան Ֆրանցիսկոյում՝ մադամ Տյուսոյի թանգարանում։ Դրանից հետո տիկնիկը կճամփորդի թանգարանի ամերիկյան  մյուս մասնաճյուղերով։

Համացանցում իր բարկացկոտ մռութով հայտնի կատվի իսկական անունը Թարդար Սոս է։

Նշենք, որ կենդանին Facebook-ում իր էջն ունի, որին հետեւում է 8 մլն օգտատեր։