Ուկրաինան վարկատուների հետ համաձայնության է եկել 19.3 մլրդ դոլար պետական պարտքից 3.8 մլրդ դոլարը ներելու հարցի շուրջ։ Մնացած մասի մարումը հետաձգվել է մինչեւ 2019-2027թթ.։
Վարկատուների հետ ձեռք բերած համաձայնության մասին հայտնել է Ուկրաինայի ֆինանսների նախարար Նատալյա Յարեսկոն։ Պարտատերերը համաձայնվել են ներել մայր գումարի 20 տոկոսը, ինչը երկրին հնարավորություն կտա կատարել Արժույթի միջազգային հիմնադրամի ներկայացրած բոլոր պահանջները, հայտնում է Reuters-ը։
Կիեւում հայտարարած պայմանների համաձայն՝ Ուկրաինայի պետական պարտատոմսերի տոկոսադրույքը նվազել է մինչեւ տարեկան 7.75 տոկոս։
Միաժամանակ Կիեւը դիմել է Ռուսաստանին՝ խնդրելով մարել 3 մլրդ դոլար պարտքը։ Սակայն, ինչպես հայտնում է Bloomberg-ը, վկայակոչելով ՌԴ ֆինանսների նախարար Անտոն Սիլուանովին, այդ առաջարկը մերժվել է։
Վարկատուների հետ համաձայնության գալը ԱՄՀ-ի կողմից Կիեւին հատկացվող ֆինանսական օգնության պայմաններից մեկն է։