Օգոստոսի 27-ին Մոնակոյում կհանձնեն Եվրոպայի 2014/15 թթ լավագույն ֆուտբոլիստի մրցանակը: Այս տարի ընտրող 54 լրագրողները առանձնացրել են այս եռյակին՝ Մեսսի, Ռոնալդու և Սուարես: Առաջին երկուսի անունը բնական է պետք է լիներ, իսկ Սուարեսը այս զույգին, իհարկե զիջում է: Րոպեներ առաջ Լեո Մեսսին իր Facebook-ի էջում լուսանկար տեղադրեց, որտեղ նա Սուարեսի, Ինյեստայի և Պույոլի հետ ինքնաթիռով թռչում է Մոնակո:
Տեսնենք, թե այս երեքից ով ավելի մեծ հնարավորություններ ունի: Ի դեպ ի տարբերություն Ոսկե գնդակի, Եվրոպայի լավագույն ֆուտբոլիստ մրցանակը Մեսսի – Ռոնալդու զույգից բացի վերջին տարիներ ստացել են նաև այլ ֆուտբոլիստներ՝ Ինյեստան, Ռիբերին:
Լուիս Սուարեսի համար նախորդ տարին շատ ծանր ստացվեց: Նա կրկին կծեց, և այս անգամ պատիժը դաժան էր: Երեք ամիս չխաղալով՝ նա այնուամենայնիվ Իսպանիայի առաջնությունում դարձավ 14 գոլային փոխանցման հեղինակ՝ զիջելով միայն Մեսսին (18) ու Ռոնալդոյին (16): Լուիսը 16 գոլի հեղինակ է իսպանական Պրիմեայում և 7-ը` Չեմիոնների լիգայում: Անկասկած սա հիանալի սիզբն է, բայց բավական չէ լավագույնը լինելու համար:
Կրիշտիանու Ռոնալդուն, չնայած «Ռեալի» հետ տիտղոսներ չնվաճեց, բայց անհատական ձեռքբերումները զգալի էին: Պորտուգալացին նախորդ մրցաշրջանում դարձավ 61 գոլի հեղինակ: Դա նրա ռեկորդն է: Մեսսիի ու Նեյմարի հետ կիսեց ՉԼ-ի լավագույն ռմբարկուի տիտղոսը: Դարձավ Իսպանիայի առաջնության լավագույն ռմբարկու, անցավ լեգեդար Դի Ստեֆանոյին՝ «Ռեալում» խփված գնդակների քանակով և շուտով կանցնի նաև Ռաուլին և կլինի առաջինը:
Մեսսիի համար մրցաշրջանը ֆանտաստիկ էր: «Բարսելոնան» ձևակերպեց հերթական տրեբլը: Մեսսին անցավ Թելմո Սարայի ռեկորդը՝ դառնալով Իսպանիայի առաջնության պատմության լավագույն ռմբարկուն: Հենց Մեսսին անցավ Ռաուլի ռեկորդը ՉԼ-ի խփված գնդակների քանակով: Ռոնալդուն նույնքան գնդակ է խփել, բայց Մեսսիից 20 խաղ ավել է խաղացել: Այդ պատճառով արգենտինացին առաջին տեղում է: Բացի այդ նա գրանցեց շատ այլ անհատական նվաճումներ: Նախորդ մրցաշրջանը Մեսսիի կարիերայի լավագույններից էր: Առաջատար լրատվական կայքերի հարցումների մեծ մասը Մեսսիի օգտին է: Տրամաբանական կլինի, որ այս տարի նրան ճանաչեն լավագույնը: Բայց ամեն բան կորոշեն լրագրողները:
Վերա Մարտիրոսյան / Vera&Football
