Մասնագետները Ստոքհոլմում՝ Շենսհոլմեն եւ Կասելհոլմեն կղզիների միջեւ, նավերի իսկական «գերեզման» են գտել՝ 15 նավի մնացորդներ:
ՏԱՍՍ-ի փոխանցմամբ, հնագետներն իմացել են 7 նավի մասին եւ որոշել են ուսումնասիրել դրանք: Սակայն Ստոքհոլմի կենտրոնում բազմաթիվ խորտակված նավեր են գտել, որոնց մասին պատկերացում անգամ չեն ունեցել:
Գիտնականները գիտեին, որ իրենց հայտնի 7 նավերը հատուկ են խորտակել, որպեսզի դրանք հիմք դառնան 1642 թվականին երկու կղզիների միջեւ կառուցված կամրջի համար:
Հնագետների խոսքով, նավերի մնացորդների կողքին նաեւ բազմաթիվ հետաքրքիր առարկաներ կան, օրինակ՝ հրանոթներ եւ խեցուց իրեր: