Հայաստանի ՏԿԱԻՆ-ում, այսօր՝ օգոստոսի 28-ին, ժամը 00.54-ին տեղեկություն է ստացվել, որ Լոռու մարզի Տաշիր քաղաքի Զարիայի փողոցի սկզբնամասում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ բախվել են «Օպել Վեկտրա» մակնիշի 34 SV 673 եւ «Ֆոլքսվագեն Վենտո» մակնիշի 30 SS 672 համարանիշների ավտոմեքենաները, որոնք, դուրս գալով ճանապարհի երթեւեկելի հատվածից, հայտնվել են հարակից ձորակում:

Մինչ հրշեջ-փրկարարների կանչի վայր հասնելը` «Ֆոլքսվագեն Վենտո» մակնիշի ավտոմեքենայի ուղեւոր` 30-ամյա Ն. Հ.-ն, «Օպել Վեկտրա» մակնիշի ավտոմեքենայի վարորդը` 57-ամյա Գ. Մ.-ն, ուղեւորներ` 5-ամյա Գ. Կ.-ն եւ 53-ամյա Մ. Մ.-ն տեղի ուժերով տեղափոխվել են Տաշիր քաղաքի ԲԿ, որտեղ բժիշկները տուժածների առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենաները եւ փակել գազի բալոնների փականները: