Ուկրաինայի հայերի միության նախագահ Վիլեն Շատվորյանը մի շարք երկկողմ հանդիպումներ է ունեցել եվրոպական քաղաքական գործիչների հետ։

Ինչպես հայտնում է AnalitikaUA.net-ը, Բրյուսելում Ուկրաինայի հայերի միության ներկայացուցչության բացման նախապատրաստության շրջանակներում Շատվորյանի ղեկավարած պատվիրակությունը ժամանել է Բելգիա։

Այցի ժամանակ նա մի շարք հանդիպումներ է ունեցել եվրոպական քաղաքական եւ հասարակական գործիչների եւ պատգամավորների հետ։

Քննարկվող թեմաների թվում հայկական սփյուռքին, ազգային փոքրամասնություններին եւ մարդու իրավունքներին վերաբերող հարցերն են եղել։

Ուկրաինայի հայերի միությունը Ուկրաինայի առաջին հասարակական կազմակերպությունն է, որը հայտնվել է ԵՄ թափանցիկության գրանցամատյանում։