Ոստիկանության Քանաքեռ-Զեյթունի բաժնում հաղորդում էր ստացվել, որ երթուղայինում գողացել են 36-ամյա Արփինե Դ.-ի դրամապանակը:
Ոստիկանության մամուլի ծառայությունից հայտնում են, որ մեկնած օպերատիվ խմբին տուժողը հաղորդում էր տվել, որ Ազատության պողոտայում՝ թիվ 58 երթուղու միկրոավտոբուսի սրահում, գողացել են իր դրամապանակը, որի մեջ եղել է 68.000 դրամ, էլեկտրոնային կրիչ եւ բանկային քարտ` պատճառելով 75.000 դրամի նյութական վնաս:
Ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 27-ամյա Գագիկ Կ.-ն, ով օգոստոսի 26-ին, ժամը 19.10-ին, Կոմիտասի պողոտայի գյուղմթերքի շուկայի մոտից բերման է ենթարկվել բաժին եւ տվել խոստովանական բացատրություն:
Կատարվում է քննություն:
