Օգոստոսի 27-ին, ժամը 23.25-ին, հիվանդանոցից ոստիկանության Թումանյանի բաժնում հաղորդում է ստացվել, որ «աջ ծնկոսկրի կոտրվածք` հարցականով», «ենթամաշկային հեմատոմա, ճակատի ձախ կեսի քերծվածք» ախտորոշմամբ բուժօգնության է տեղափոխվել 31-ամյա Արկադի Ա.-ն, որը, ըստ բժիշկը տեղեկանքի, ի վիճակի չի եղել հաղորդում տալու:
Ոստիկանության մամուլի ծառայությունից հայտնում են, որ նրա հորաքույրը հայտնել է, որ ժամը 22.30-ի սահմաններում Արկադի Ա.-ին տեսել է իրենց տանը վայր ընկած, անգիտակից վիճակում:
Ձեռնարկված միջոցառումների շնորհիվ՝ 49-ամյա Կարեն Մ.-ն հրավիրվել է բաժին, որտեղ բացատրություն է տվել, որ նույն օրը, ժամը 22.30-ի սահմաններում, Սանահին կայարան 44 շենքի բնակարաններից մեկում Արկադի Ա.-ն ալկոհոլ օգտագործած վիճակում հայհոյել է իրեն, որի պատճառով ինքը ձեռքով հարվածել է նրան եւ պատճառել վնասվածքներ:
Կատարվում է հետաքննություն: