Երևանի Կենտրոն եւ Նորք-Մարաշ վարչական շրջանների ընդհանուր իրավասության դատարանում այսօր՝ օգոստոսի 28-ին, հերթական անգամ հետաձգվեց քրեական աշխարհում հայտնի հեղինակություն Արթուր Ղազարյանի (քանաքեռցի «Տույ») դատական նիստը:
Դատական նիստին հարգելի պատճառով չէր ներկայացել ամբաստանյալի պաշտպան Երեմ Սարգսյանը: Արթուր Ղազարյանը հրաժարվեց, որպեսզի դատական նիստն ընթանա առանց իր պաշտպանի:
Հաջորդ դատական նիստը տեղի կունենա սեպտեմբերի 4-ին:
Արթուր Ղազարյանին մեղադրանք է առաջադրվել այն բանի համար, որ նա գործով չպարզված հանգամանքներում ապօրինի կերպով ձեռք է բերել և կրել հրազեն հանդիսացող «Վիկինգ» մոդելի 9մմ տրամաչափի գործարանային արտադրության ակոսափող ատրճանակ և ռազմամթերք հանդիսացող 9մմ/9X19/ տրամաչափի թվով 17 փամփուշտներ, որոնք նրա մոտ հայտնաբերվել են ՀՀ ոստիկանության Կենտրոնականի բաժնում կատարված անձնական խուզարկության ժամանակ: Արթուր Ղազարյանը քրեական շրջանակներում հայտնի է քանաքեռցի «Տույ» մականունով: