Դոմինիկյան Հանրապետությունում «Էրիկա» փոթորկից առաջացած սողանքների, հեղեղների եւ փլուզումների հետեւանքով 35 մարդ է զոհվել։ Միայն Պետիտ Սավաննա բնակավայրում փրկարարները 27 մարդու դի են գտել։
Իշխանությունները չեն բացառում, որ տարերքի զոհերի թիվը կարող է աճել, քանի որ մի քանի մարդ անհետ կորած են համարվում։ Դոմինիկյան Հանրապետության իշխանությունները ավելի քան 7.3 հազար մարդ են տարհանել, հայտնում է ՏԱՍՍ-ը։
Նշենք, որ մերձարեւադարձային «Էրիկա» փոթորիկը շարունակում է առաջ շարժվել Կարիբյան ծովի ավազանով։