ԽՍՀՄ ժողովրդական արտիստ եւ ՌԴ Պետդումայի պատգամավոր Իոսիֆ Կոբզոնը, ում մուտքը արեւմտյան երկրների մեծ մասն արգելել է՝ Ուկրաինաի հարցում նրա դիրքորոշման պատճառով, բուժման է մեկնում Եվրամիություն: Դա հնարավոր է դարձել ՌԴ նախագահի անձնական միջամտության շնորհիվ:
«Ես շնորհակալ եմ Պուտինին: Նրա միջամտության շնորհիվ ինձ բժշկական վիզա են տվել»,- հայտարարել է խորհրդարանականը՝ «Նորությունների ռուսական ծառայության» հետ զրույցում:
Ավելի վաղ ինտերնետի ռուսական սեգմենտի օգտատերերին վրդովեցրել էին Կոբզոնի խոսքերն այն մասին, որ հիմա ավելի նպատակահարմար է փող հավաքել Ղրիմին օգնելու համար, քան օգնություն տրամադրել առանձին հիվանդ երեխաների, նշում է NEWSrucom-ը:
Ավելի վաղ РСН -ին տված հարցազրույցում երգիչը նշել էր, որ օգնության խնդրանքով չի դիմել պետության ղեկավարին: «Պարզապես Պուտինը, որպես հոգատար նախագահ օգնել էր ինձ առաջին վիրահատության հարցով, որն արել են Գերմանիայում: Եվ դրա համար էլ, երբ ես նախագահի մոտ էի, նա ասաց՝ եթե առողջական խնդիրներ ունենաք՝ մի ամաչեք, դիմեք ինձ»,- ասել է նա:
Յոթ տարի առաջ բժիշկները Կոբզոնի մոտ շագանակագեղձի քաղցկեղ էին ախտորոշել:
