Լեհաստանում ռադարների միջոցով պարզել են, որ Վալբժիխ քաղաքի թունելում Երկրորդ համաշխարհային պատերազմի ժամանակների զրահագնացք է մնացել։
Ռադարներով արված լուսանկարները ցուցադրում են, որ գետնի տակ զրահապատ ռազմական գնացք է թաղված, գրում է BBC-ն։ Տեղաբնակները վստահ են, որ 1945թ. նացիստները թունելում թաքցրել են ոսկով եւ զինամթերքով լի գնացքը։
Ավելի վաղ Լեհաստանի մշակույթի նախարար Պետր Ժուխովսկին հաստատել էր պատմական գտածոյի փաստը եւ նախազգուշացրել գանձ որոնողներին, որ գնացքը կարող է ականապատ լինել։ Բացի այդ, նա նշել էր, որ ինքը հույս ունի, որ նացիստները գնացքի մեջ թաքցրել են արվեստի գործեր եւ արխիվներ։
