WikiLeaks կայքի հիմնադիր Ջուլիան Ասանժը հայտարարել է, որ առաջվա պես վախենում է ամերիկյան հատուկ ծառայությունների հարձակումից ու չի լքում Լոնդոնում Էկվադորի դեսպանատան տարածքը: Այդ մասին Ասանժը պատմել է Times պարբերականին տված հարցազրույցում:
« Տարբեր մարդկանցից ռումբ պայթեցնելու եւ ոչնչացման սպառնալիքներ կան»,- նշել է Ասանժը, հայտնում է Gazeta.ru -ն:
Բացի դրանից Ասանժը վստահ է, որ նույնիսկ եթե իրեն երբեւէ հաջողվի ազատություն ստանալ, իր վրա ամեն պահի կարող են հարձակվել կամ էլ առեւանգել:
Ավելի վաղ Ասանժը հայտարարել էր, որ Ֆրանսիայում անհրաժեշտ է ընդունել օրենք, որը կպաշտպանի տեղեկություններ հայտնողներին (ինֆորմատորներին):
