Ռուսաստանի դաշտային ճամբարում ծառայակիցներին սպանած ժամկետային զինծառայող Պավել Բախտինի ծառայակիցները պատմել են, որ եֆրեյտորին մշտապես ծաղրում էին եւ նեղացնում։ Նախքան հերթապահությունը ստանձնելը, վաշտի հրամանատար Անդրեյ Վորոնչիխինը նկատել էր, որ եֆրեյտոր Բախտինի զրահաբաճկոնի վերին մասը բացակայում է եւ դրա համար ավագ լեյտենանտը 6 անգամ հարվածել էր Բախտինի կրծքին, որից հետո նա իրեն վատ էր զգացել եւ մի քանի ժամ ուշքի էր գալիս։
Հերթապահությունն ավարտելուց հետո եֆրեյտորը չէր հանձնել զենքը, այլ գնացել էր հերթապահ մաս, որտեղ հանգստանում էին վաշտի հրամանատարն ու մյուս զինվորները։ Առաջինը նա սպանել է իրեն հարվածած ավագ լեյտենանտ Վորոնչիխինին։
«Նա 10 գնդակ էր արձակել վաշտի հրամանատարի վրա, եւս երկուսին գլխից էր վիրավորել»,- պատմել են եֆրեյտորի ծառայակիցները LifeNews-ին։
Հիշեցնենք, որ միջադեպը տեղի էր ունեցել ՌԴ Կոստրոմայի մարզի դաշտային մի ճամբարում։ Նրա գնդակից վիրավորվել էին եւս 3 զինվոր, որոնցից մեկը հիվանդանոդում ստացած վնասվածքներից մահացել էր։ Կատարածից հետո եֆրեյտորն ինքնասպան էր եղել։
