Նովոռոսիյսկի նավահանգստի ափերի մոտ փրկարար-ջրասուզակների ծառայության աշխատակիցները որոնում են երեք դայվերների, որոնք ժամանակին դուրս չեն եկել ջրի հատակից։ Օգոստոսի 29-ի կեսօրի սահմաններում դոնիռոստովցի 3 դայվերներ սուզվել են ջրի հատակը, որտեղ գտնվու մ է 1918 թվականին խորտակված «Ազառ Ռուսաստան» լինքորը։ Չորս ժամ անց ափին գտնվող դայվերները հայտնել են, որ իրենց ընկերները ժամանակին ջրի մակերեւույթ դուրս չեն եկել։
Փրկարար-որոնողական աշխատանքները շարունակվել են մինչեւ օգոստոսի 29-ի երեկո։ Ջրի հատակը սուզված ջրասուզակները հայտնաբերել են երեք պահեստային բալոններ, որոնք հնարավոր է պատկանում են անհետացած դայվերներին։
Անհետացածներն են Դոնի Ռոստովում դայվինգի հրահանգիչ Յուրի Խորկովսկին, նրա աշակերտ Ռոման Կալմիկովը, ինչպես նաեւ նրանց երրորդ գործընկերը, որի անունը դեռեւս անհայտ է, հաղորդում է Lenta.ru-ն՝ վկայակոչելով «Ինտերֆաքսը»: