Պորտուգալիայում 77-ամյա պորտուգալացին սպանել է երեք մարդու։ Միջադեպը տեղի է ունեցել Լիսաբոնի Կինտա դու Կոնդե արվարձանում, հաղորդում է Lenta.ru-ն՝ վկայակոչելով BBC News-ը։

Կոնֆլիկտը ծագել է շան հաչոցի պատճառով։ Տղամարդը սպառնացել է սպանել հարեւանին, եթե շունը ձայնը չկտրի։ Աղմուկի վրա վազել է մոտակայքում ապրող ոստիկանը՝ քաղաքացիական հագուստով, եւ տեղում գնդակահարվել։ Ոստիկանին օգնության է շտապել նրա որդին։ Նա հրազենային վնասվածք է ստացել եւ տեղափոխվել հիվանդանոց, սակայն բժիշկները չեն կարողացել փրկել նրա կյանքը։

Բացի այդ, թոշակառուն կրակել է ահազանգով դեպքի վայր ժամանած ոստիկանի գլխին։

Այնուհետեւ պորտուգալացին փորձել է ինքնասպան լինել որսորդական հրացանով, բայց ոստիկանները կանխել են։