Նավթի համաշխարհային գները շարունակում են անկում ապրել անցյալ ուրբաթ գրանցած ավելի քան 5 տոկոսանոց աճից հետո։ Այս մասին են վկայում սակարկությունների տվյալները։

Brent տեսակի նավթի հոկտեմբերյան ֆյուչերսների գները նվազել են 2.4 տոկոսով եւ կազմել 488.85 դոլար մեկ բարելի դիմաց։ WTI տեսակի նավթի հոկտեմբերյան ֆյուչերսները էժանացել են 1.88 տոկոսով եւ կազմել 44.37 դոլար մեկ բարելի դիմաց։ Նշենք, որ ուրբաթ Brent տեսակի նավթը թանկացել էր 5.2 տոկոսով, իսկ WTI-ն կայունացել էր 6.3 տոկոսով։

Ինչպես գրում է Reuters-ը, ԱՄՆ Դաշնային պահուստային համակարգի որոշ պաշտոնյաներ անցյալ շաբաթ կայացած Կենտրոնական բանկերի ղեկավարների ամենամյա խորհրդակցության ժամանակ չեն բացառել սեպտեմբերին դրույքների բարձրացման հնարավորությունը, բայց Նյու Յորքի Դաշնային պահուստային բանկի ղեկավարը ավելի  վաղ կասկածներ էր հայտնել այդ միջոցներին դիմելու նպատակահարմարության կապակցությամբ, փոխանցում է «ՌԻԱ Նովոստի»-ն։