ՀՀ աշխատանքի եւ սոցիալական հարցերի նախարար Արտեմ Ասատրյանը դեռ չգիտի, թե Կառավարությունը ինչ մեխանիզմով է փոխհատուցելու էլեկտրաէներգիայի` օգոստոսից բարձրացած սակագինը: Այս մասին այսօր` օգոստոսի 31-ին, կառավարության նիստից առաջ լրագրողներին ասաց նախարարը` հավելելով, որ ՀԷՑ-ում այժմ աուդիտ է իրականացվում, եւ այս պահին ինքը տեղեկատվություն չի կարող տալ:
«Հիմա աուդիտ է իրականացվում, դեռ չեմ կարող ասել, թե ինչ ձեւաչափով եւ մեխանիզմով կփոխհատուցվի, այս պահին որեւէ տեղեկատվություն չեմ կարող տալ այդ մասին»,-ասաց Արտեմ Ասատրյանը:
Հիշեցնենք, որ օգոստոսի 1-ից ուժի մեջ է մտել էլեկտրաէներգիայի սակագնի բարձրացման որոշումը: Վարչապետ Հովիկ Աբրահամյանը հայտարարել է, որ ավելացված 6.93 դրամը կսուբսիդավորվի արտաբյուջետային միջոցներից՝ «Որոտան» կասկադի վաճառքից ստացված գումարից:
