«Իսլամական պետություն» խմբավորման ահաբեկիչները մզկիթ են պայթեցրել Իրաքի հարավում գտնվող Նայնավա նահանգում ու երկու քրիստոնեական եկեղեցիներ են վնասել այդ նահանգի մայրաքաղաք Մոսուլի պատմական կենտրոնում, հայտնում է «ՏԱՍՍ»-ը՝ վկայակոչելով իրանական Fars գործակալությունը:
«ԻՊ ահաբեկիչները նախապես ականապատել ու պայթեցրել են Շուրա տարածքում գտնվող Աբու Բաքր մզկիթը: Մզկիթը ոչնչացվել է այն պատրվակով, իբրեւ այնտեղ գերեզմաններ կային»,- մեջբերում է գործակալությունը Իսա Զեուէի խոսքերը, ով Նայնավայում ԻՊ խմբավորման դեմ ռազմական գործողություններ իրականացնող քրդական «փեշմերգի» 4-րդ բրիգադի հրամանատարն է: «Գրոհայինները նաեւ ոչնչացրել են Մոսուլի պատմական կենտրոնում գտնվող Սուրբ Աստվածածնի տաճարի եւ քաղդեական եկեղեցու պատերին գրված պատմական գրությունները»,- հավելել է քրդական հրամանատարը: Նա նաեւ հիշեցրել է, որ այս տարվա մարտին ԻՊ ահաբեկիչները ոչնչացրել են Շինգալ հանրահայտ մինարեթը, որը քուրդ եզդիների էթնո կրոնական խմբերի գլխավոր հին պաշտամունքային հուշարձաններից մեկն էր:
Զեուէի խոսքով՝ ծայրահեղականները շարունակում են ոչնչացնել նահանգի քաղաքացիական շինությունները:
