Rambler&Co ընկերության գործադիր տնօրեն է նշանակվել Ռաֆայել Աբրահամյանը: Այս մասին ասված է ընկերության մամուլի հաղորդագրության մեջ: Աբրահամյանը նոր պաշտոնում պատասխանատու է լինելու ընկերությունների խմբի օպերացիոն եւ մարտավարական զարգացման համար եւ հիմնական ուշադրությունը կենտրոնացնելու է նոր նախագծերի ՝թողարկման արագության եւ արդյունավետության բարձրացման վրա:
«Ընկերությունը հավակնոտ խնդիրներ ունի ու ես ուրախ կլինեմ առավելագույն ջանքեր գործադրել դրանց իրականացման համար, առավել եւս որ այդ հարցում ինձ օգնելու են ընկերության աշխատակիցները, ովքեր ապացուցել են՝ նույնիսկ այսօրվա անկայուն շուկայում հաջողության հասնելու իրենց ունակությունը»,- մեկնաբանել է իր նշանակումը Աբրահամյանը, հայտնում է Gazeta-ն:
Նրա խոսքերով ՝ առաջնահերթ խնդիրներից է լինելու ընկերության ռազմավարության բյուրեղացումը ու համապատասխան օպերացիոն փոփոխությունները ՝ շուկայի ներկա անկայուն վիճակում աճի հնարավորությունների առավել արդյունավետ գործածման համար:
2012թ. սկսած Աբրահամյանը ղեկավարել է Ալեքսանդր Մամուտի ակտիվները կառավարող A&NN հիմնադրամի տեխնոլոգիական եւ ինտերնետային ակտիվները ու մասնակցել է «ՍՈՒՊ Մեդիա» եւ «Ռամբլեր – Աֆիշա» հոլդինգների միաձուլման գործարքի անցկացմանը, որի արդյունքում ձեւավորվել է Rambler&Co ընկերությունը: Նա նաեւ եղել է խմբի տնօրենների խորհրդի կազմի անդամ: A&NN –ից առաջ նա աշխատել է «ՍՄՄ» ընկերության ռազմավարության բաժնում, նաեւ PricewaterhouseCoopers ընկերության քոնսալթինգում:
Rambler&Co –ը մեդիայի, տեխնոլոգիաների եւ էլեկտրոնային կոմերցիայի ոլորտում աշխատող ընկերությունների խոշորագույն խմբերից մեկն է Ռուսաստանում:
