Մախաչկալայից Plug and Play Dagestan բիզնես-ինկուբատորի անդամ Էլդար Կլիչովը նամազի համար սենսորային գորգի հայեցակարգ է մշակել, որը հավատացյալներին օգնում է հաշվարկել խոնարհումները:
«Էլդար Կլիչովի ստեղծած գորգի վերին հատվածում սենսորային ցուցիչներ են, որոնց օգտատերը ճակատով հպվում է աղոթքի խոնարհումների ժամանակ: Եթե հավատացյալը խախտում է ռիթմը կամ սխալ դիրք է ընդունում, սենսորները սկսում են տատանվել՝ ազդարարելով, որ հարկավոր է փոխել գործողությունները»,- գրել է Computerra-ը:
GenerationS դաշնային սթարթափի մեկնաբանությունում Կլիչովը պատմել է, որ հաշվիչ է մշակել, երբ հենց ինքը նամազ անելիս կորցրել է խոնարհումների հաշիվը: Նրան արդեն հաջողվել է 50 գորգ վաճառել եւ ստանալ Դաղստանի եւ Սաուդյան Արաբիայի իմամների հավանությունը:
«Այսօր մոլորակի վրա ընդհանուր առմամբ 1.6 մլրդ մահմեդական է ապրում: Իմ խնդիրը շուկայի 1%-ը գրավելն է՝ 17 մլն մարդ»,- հավելել է նա:
