Փարիզի հյուսիսում բռնկված ուժեղ հրդեհի պատճառով զոհվել է առնվազն 8 մարդ, այդ թվում՝ 2 երեխա, եւս 4-ը վիրավորվել են, հայտնում է BFMTV հեռուստաալիքը։
Բռնկումը տեղի է ունեցել ժամը 4։30-ի սահմաններում 6-հարկանի բազմաբնակարան շենքում։ Հեռուստաալիքի տեղեկություններով՝ հրդեհը տարածվել է 3 հարկերում։ Ականատեսների փոխանցմամբ՝ դեպքի վայրում աշխատում է հրշեջների առնվազն 6 հաշվարկ, գրում է «ՌԻԱ Նովոստի»-ն։
Ֆրանսիայի ՆԳ նախարար Բեռնար Կազնեւը հայտարարել է, որ հրդեհի պատճառների մասին այս պահին ոչինչ հայտնի չէ։ Տուժածներին հիվանդանոց են տեղափոխել։