Սեպտեմբերի 1-ին, ժամը 23.50-ին տեղեկատվություն է ստացվել, որ Երեւան-Բավրա ավտոճանապարհի 162-րդ կմ-ի մոտակայքում տեղի է ունեցել վթար. կան տուժածներ, առկա է վառելիքի արտահոսք:

Դեպքի վայր է մեկնել մեկ մարտական հաշվարկ:

Պարզվել է, որ դեռեւս չբացահայտված հանգամանքներում բախվել են «ԳԱԶ-53» մակնիշի 35 PU 094 պետհամարանիշի (վարորդ՝ 1941 թ. ծնված Ա. Վ.) եւ «Ֆորդ Մոնդեո» մակնիշի 33 VC 569 պետհամարանիշի (վարորդ՝ 1985 թ. ծնված Ա. Ե.) ավտոմեքենաները, ինչի հետեւանքով վերջինս շրջվել է:

Մինչ հրշեջ-փրկարարների կանչի վայր հասնելը «Ֆորդ մոնդեո» մակնիշի ավտոմեքենայի վարորդ Ա.Ե.-ն, ուղեւորներ՝ 1992 թ. ծնված Կ. Ս.-ն եւ 1992 թ. ծնված Գ. Մ.-ն հոսպիտալացվել են Աշոցք քաղաքի ԲԿ. բժիշկները տուժածների առողջական վիճակը գնահատել են բավարար:

Հրշեջ-փրկարարներն ուղղել են «Ֆորդ Մոնդեո» մակնիշի ավտոմեքենան, հոսանքազրկել են ավտոմեքենաները, կատարել են ճանապարհի վառելիքաքսուքային նյութերից ճանապարհի լվացման աշխատանքներ եւ սահմանել են հերթապահություն մինչ վառելիքի արտահոսքի վերանալը: